நண்பா
என்னை
எடு...

இல்லை
இல்லை
என்னை...

புகைப்படத்திற்கு
போட்டிப்போடும்...

பனை
மரங்கள். ..

தமிழனின்
நெடுங்கரங்கள் !

நீயே
தயாரித்த
கடிகாரமா...?

நகர
மறுக்கின்றன
முட்கள்...

எப்போதும்
நம் மணி
12 ....!

மறுத்துக்கொண்டே
இருக்கிறாய்
என் காதலை...

போரளிகளுக்கு
காதல்
எதற்கு ?

மீண்டும்
மீண்டும்
சொல்கிறாய்...

நீயும்
பெண்தானே
என்றேன்...

இல்லை
நான்
போராளி என்றாய்..

எழுதி
வைத்துக்
கொள்...

காதல்
இல்லாதப்
போராளி....

விடுதலைப்
போரில்
தோற்பது உறுதி !

மீண்டும்
வலம் வருகின்றன
இரட்டை இலைகள்
சிற்றுந்துகளில்...

கறுப்புப்பணம்
கட்டுககட்டாக
சுற்றித்திரிகின்றன
தெருக்களில்...

தேர்தல்
ஆணையரும்
உயிரோடுதான்
இருக்கிறார்...

திருமணத்தின்
முன்நாளில்
ஒழுக்க சீலனாக மாறும்
மாப்பிள்ளைப் போல்...

தேர்தல் வரை
பரிசுத்தமாகிறது
இந்திய
ஜனநாயகம் !

நாளை
இரவு
முழுதும்
மொட்டை மாடியில்
நில்...

அமாவாசையை
பொய்யாக்கு !

கற்பிக்கப்படும்
இதயத்தின்
வடிவம்
போல்...

காதலும்
பொய்யாகிறது
பல
சமயங்களில் !

படம் உதவி- ஹேமலதா

தேர்தல்
முடிந்ததும்
திருமணம்
என்றாய்...

இப்போதும்
அதே
மவுனம்
காக்கிறாய்...

பிரதமிரடம்
புகார்
சொல்லவும்
முடியாது...

ஜெசோதாவுக்கே
பதவியேற்பில்
அழைப்பு
இல்லை !

நீ
அழகாய்
இருக்கிறாய்..

நான்
சைகையில்
சொன்னதை..

தியானத்திலுமா
விரலில்
காட்டுவாய் !

உனக்காக
எழுதுவதில்
உன்னைத்
தவிர
பலர்
விருப்பம்
இடுகிறார்கள்...

யாருக்கோ
எழுதுவதில்
நீ
மாய்ந்து
மாய்ந்து
விருப்பம்
இடுகிறாய்...

'முரண்'
வார்த்தை
வடிவத்தின்
பெண்
உருவம்
நீயே
தான் !

அவ்வையும் அதியமானும்

கள் உண்டுக்கொண்டே

இலக்கியம் பேசுவார்களாம்...

என்ன தோழியோ நீ ?

இன்றுவரை தொலைபேசியில்

கூட பேச மறுக்கிறாய் !

உனக்குப் புரியாதது
கடல் கடந்த நைஜீரிய
தேவதைகளுக்கு
எப்படிப் புரிந்தது ?

ஒரு நாளைக்கு
எத்தனை எத்தனை
காதல் கடிதங்கள்
அனுப்புகிறார்கள் !

மின்வெட்டு
மாநிலம்தானே
நிறம் ஒரு
பிரச்சனையா என்ன ?

அடித்தப்பிறகும்
மீண்டும் வருகிறது
தெரு நாய்...

திட்டியதற்கே
உண்ண மறுக்கிறது
வீட்டு நாய்....

உயர் சாதித் திமிர்
நாய்களிடமும்
உள்ளது !

உள் நாட்டுக்
கறுப்புப்
பண முதலைகளின்
பணத்தில் வென்றவர்...

வெளிநாட்டில்
உள்ள
இந்தியர்களின்
கறுப்புப் பணத்தை மீட்க...

விசாரணை
கமிஷன்
அமைத்துள்ளார் ...

மோடி மஸ்தானின்
முதல்
வித்தை !

கே(வ) ள்வி...

முடிவை உன்
விழி உளி
வசமே
விட்டுவிடுகிறேன்...

நான்
படிக்கல்லா ?
சிற்பமா ?